नेपाल मेडिकल काउन्सिलद्धारा विसं २०८१ सालमा लिइने परीक्षाको तालिका सार्वजनिक (तालिका सहित)
काठमाण्डौः नेपाल मेडिकल काउन्सिलले आगामी वर्ष लिने लाइसेन्स परीक्षाको तालिका सार्वजनिक गरेको छ । काउन्सिलले २०८१ मा लिने स्नातक तह र स्नातकोत्तर तहको लाइसेन्स परीक्षाको वार्षिक तालिका सार्वजनिक गरेको हो ।
काउन्सिलको तालिकाअनुसार स्नातक तहको लाइसेन्स परीक्षा जेठ, असोज र माघमा हुनेछ । स्नातकोत्तर तहको लाइसेन्स परीक्षाका लागि साउन, मंसिर र चैतमा मिति तोकिएको छ ।
वार्षिक तालिकाका साथै काउन्सिलले आगामी जेठमा हुने ६९औँ लाइसेन्स परीक्षाका लागि परीक्षा फारम समेत खुलाएको छ । जेठ ७, ८ र ९ गते हुने परीक्षाका लागि आवेदन फारम खुलाइएको हो ।
आवेदन फारम भर्ने मिति चैत २६ गतेदेखि बैशाख २५ गतेसम्म तोकिएको छ । बैशाख २६ र २७ गते बिलम्ब शुल्कसहित फारम भर्न सकिने काउन्सिलले जानकारी दिएको छ ।
प्रकाशित मिति: बिहीबार, चैत २२, २०८० ११:२४
प्रतिक्रिया दिनुहोस्
थप समाचार
