मासु खाँदा हड्डी अड्किएर युवकको मृत्यु
चितवन: चितवनमा मासु खानेक्रममा घाँटीमा हड्डी अड्किएर एक युवकको मृत्यु भएको छ । तनहुँ सिद्धेश्वर नगरपालिका घर भई भरतपुर महानगरपालिका–१९ शरदानगर आएका करण सुनार मृत्यु भएको हो।
करण शरदानगरमा काकाको घरमा बस्दै आएका थिए । चैत १२ गते उनको घाँटीमा हड्डी अड्किएको थियो । त्यसपछि शारदानगरमै रहेको सिद्धेश्वर हेल्थ केयरमा जाँच गरी औषधि लिएर फर्किएका थिए । औषधि खाएर अंकलकै घरमा बसिरहेका बेला उनको स्वास्थ्यमा समस्या भएपछि बिहीबार भरतपुर अस्पताल लगिएको थियो ।
जिल्ला प्रहरी कार्यालय चितवनका अनुसार उपचारका क्रममा गएराति १२ः५० बजे किरणको मृत्यु भएको हो ।
प्रकाशित मिति: शुक्रबार, चैत २३, २०८० २०:५३
प्रतिक्रिया दिनुहोस्
थप समाचार
