पुरानो मेडिकल कलेजको तेस्रो तलाबाट हामफालेका बृद्ध बिरामीको मृत्यु
चितवन: भरतपुरमा रहेको कलेज अफ मेडिकल साइन्सेस् टिचिङ हस्पिटल (पुरानो मेडिकल कलेज अस्पताल) को तेस्रो तलाबाट हाम फालेका एक वृद्धको मृत्यु भएको छ ।
मृत्यु हुनेमा नवलपुरको हुप्सेकोट गाउँपालिका–२ घर भएका ७६ वर्षीय बलबहादुर खाम्चा मगर रहेका छन् । मगरले आज (बिहिबार) बिहान करीव १०:४० बजे अस्पतालको ए ब्लकको तेस्रो तलाको झ्यालबाट हाम फालेको जिल्ला प्रहरी कार्यालय चितवनले जनाएको छ ।
पित्त थैलीको क्यान्सरबाट पिडीत उनी हिजो मात्रै सो अस्पतालमा आई भर्ना भएर उपचार गराई रहेका थिए । प्रहरीका अनुसार अस्पताल भवनबाट हाम फालेर गम्भीर घाइते भएका मगरको सोही अस्पतालमा उपचारका क्रममा आज विहान ११:३० बजे मृत्यु भएको हो । घटनापछि प्रहरीले थप अनुसन्धान सुरु गरेको जनाएको छ ।
प्रकाशित मिति: बिहीबार, साउन ३, २०८१ १५:२३
प्रतिक्रिया दिनुहोस्
थप समाचार
