मौसम खराबीका कारण बिरामी बोकेको हेलिकप्टर खेतमा आकस्मिक अवतरण
वीरेन्द्रनगर: डोल्पाबाट बिरामी बोकेर बाँकेको नेपालगञ्ज उडान भरेको नेपाली सेनाको हेलिकोप्टर खराब मौसमका कारण सुर्खेतको लेकबेशी नगरपालिकामा आकस्मिक अवतरण गरिएको छ।
बुधबार लेक लागेर बिरामी भएका सशस्त्र प्रहरीका असई नरबहादुर बिसीलाई डोल्पाबाट उपचारका लागि नेपालगञ्ज ल्याउँदैं गर्दा मौसममा खराबी आएका कारण हेलिकप्टर सुर्खेतको लेकबेसी नगरपालिका–६ मा आकस्मिक अवतरण गरेको हो ।
हेलिकोप्टर साढे १२ बजेतिर खेतमा अवतरण गरेको जिल्ला प्रहरी कार्यालय सुर्खेतका प्रमुख प्रहरी उपरीक्षक रुपेश खड्काले बताए । उनका अनुसार अहिले मौसममा सुधार आएपछि हेलिकोप्टर सुर्खेत विमानस्थल ल्याइ पुर्याइएको छ । बिरामी सशस्त्र प्रहरीका असई बिसीको कर्णाली प्रदेश अस्पतालमा उपचार भइरहेको प्रहरीले जनाएको छ ।
प्रकाशित मिति: बुधबार, साउन १६, २०८१ १६:०४
प्रतिक्रिया दिनुहोस्
थप समाचार
