ललितपुरका थप २ जनामा हैजा पुष्टि, देशभर हैजा सङ्क्रमित सङ्ख्या २५ पुग्यो
काठमाडौँः ललितपुरमा थप २ जनामा हैजा पुष्टि भएको छ । यो सँगै देशभर हैजा सङ्क्रमित सङ्ख्या २५ जना पुगेको स्वास्थ्य तथा जनसङ्ख्या मन्त्रालयको इपिडिमियोलोजी तथा रोग नियन्त्रण महाशाखाले जनाएको छ ।
काठमाडौँ उपत्यकाका दुई जिल्ला काठमाडौँको टोखाका १ जनामा र ललितपुर जिल्लाको गोदावारी, ग्वार्को, इमाडोल लगायत विभिन्न स्थानका १६ जनामा हैजा सङ्क्रमण देखिएको ईडीसीडीले जनाएको छ ।
यस्तै, कैलाली जिल्लाको धनगढी उपमहानगरपालिकाको ८ जनामा हैजा सङ्क्रमण पुष्टि भएको हो । पानीमा दिशाजन्य पदार्थको मिश्रण हुँदा मानिसमा हैजा देखिने गर्दछ । निर्मलीकरण गरेको पानी मात्रै पिउन विज्ञहरूको सुझाव छ ।
प्रकाशित मिति: शनिबार, साउन १९, २०८१ ०९:२७
प्रतिक्रिया दिनुहोस्
थप विशेष रिपोर्ट
