स्वास्थ्य मन्त्री पौडेलद्वारा अंगदानको घोषणा, सातै प्रदेशमा मानव अंग प्रत्यारोपण केन्द्र खोलिने
स्वास्थ्य तथा जनसंख्यामन्त्री प्रदीप पौडेलले अंगदान जीवनदान भन्ने सन्देश दिंदै आफूले अंगदान गर्ने घोषणा गरेका छन् उनले विश्व अंगदान दिवसको अवसरमा भक्तपुरस्थित सहिद धर्मभक्त राष्ट्रिय प्रत्यारोपण केन्द्रले आयोजना गरेको कार्यक्रममा अंगदाताहरुलाई सम्मान गर्दै आफूले पनि अंगदान गर्ने घोषणा गरेका हुन् ।
उनले हालै आफूले अंगदानको महत्वलाई बुझेर कार्ययोजनामा पनि अंगदान सहज होस भनेर सातै प्रदेशमा मानव अंग प्रत्यारोपण केन्द्रको उप केन्द्र खोल्ने कार्यक्रम अघि सारेको बताए । कार्यक्रममा केन्द्रका निर्देशक डा पुकारचन्द्र श्रेष्ठले मरेपछि खेर जाने अंग दान गर्न कन्जुस्याइँ नगर्न सबैलाई आग्रह गरे ।
उनले एक जनाले ८ जनालाई अंगदान गरेर बचाउन सक्ने भन्दै सबैलाई अंगदान जस्तो पुन्य काममा लागिदिन र यसको महत्व बुझिदिन आग्रह गरे ।
प्रकाशित मिति: मंगलबार, साउन २९, २०८१ १३:०८
प्रतिक्रिया दिनुहोस्
थप समाचार
