ललितपुरः ललितपुरको हरिसिद्धिमा रहेको नेपाल क्यान्सर अस्पतालमा स्तन क्यान्सर सचेतना महिनाको अवसर पारेर स्तन क्यान्सर स्क्रिनिङमा ५० प्रतिशत सम्म छुट प्रदान गरीरहेको छ ।

अक्टोबर महिनाभर अस्पतालमा म्यामोग्राम गर्दा ५० प्रतिशत, ओपीडी तथा डाक्टर कन्सलटेसनमा ५० प्रतिशत तथा स्तन अल्ट्रासाउन्डमा १५ प्रतिशत छुट दिने जनाइएको छ । अक्टोबर महिनालाई विश्वभर स्तन क्यान्सर सचेतना महिनाका रुपमा लिने गरिन्छ । सुरुमै पत्ता लागेर उपचार गरेमा स्तन क्यान्सर निको हुन्छ । त्यसैले  ३० वर्ष पुगेकाले कम्तीमा वर्षमा एकपटक स्तन क्यान्सर स्क्रिनिङ गर्न अस्पतालले आग्रह गरेको छ ।