भक्तपुरः प्राविधिक शिक्षा तथा व्यवसायीक तालिम परिषद (सीटीईभीटी) अन्तर्गत विभिन्न विषय अध्यापनका लागि चिकित्सा शिक्षा आयोगका अध्यक्ष तथा प्रधानमन्त्री केपी शर्मा ओलीको अध्यक्षतामा बसेको बैठकले ४३ वटा कलेजको सम्बन्धन र सिट निर्धारणको निर्णयसँगै ७ वटा कलेजलाई आशयपत्र प्रदान गर्ने निर्णय समेत गरेको छ।
आयोग बैठकले सम्बन्धन र सिट निर्धारण गरेको ४३ वटा कलेजमध्ये १६ वटा कलेजमा नयाँ कार्यक्रम तर्फ रहेको छ भने २७ वटा कलेजमा थप कार्यक्रम तर्फ रहेको छ। यसैगरी, बैठकले कर्णाली प्राविधिक शिक्षालय जुम्ला, निर्मल लामा बहुप्राविधिक शिक्षालय बर्दीया र सहिद कृष्णसेन इच्छुक बहुप्राविधिक शिक्षालय दाङलाई प्रयोगात्मक अभ्यासका लागि अस्पतालको व्यवस्था भएपछि सिट निर्धारण गर्ने सकिने निर्णय पनि गरेको छ ।
आयोगले सीटीईभीटीबाट आएको सिफारिसको मूल्यांकन गर्दै उक्त निर्णय गरेको हो। यसरी आशयपत्र र सम्बन्धन पाउने कलेजहरुमा अधिकांश कलेजबाट उत्पादित जनशक्ति फार्मेसी काउन्सिल र स्वास्थ्य व्यवसायी परिषदमा दर्ता हुने छन्।
कलेजहरुको नामावली र सिट संख्या
